يا عدو الشمس

قرر السبعة اعضاء المعارضين لسياسة الملك (الاسد) ملك الغابه الذهاب الى القصر وتقديم مذكره احتجاج على اوضاع الحكم والفساد المنتشر فى الغابه .ولكن حرص احدهم الشديد جعله يتردد فى الذهاب ,وكان هو الحصان واخبرهم عن قسوه الملك وانه اصبح غير قادر على كبح ممارساته الفاشيه فى الغابه.وفى النهايه ذهب اربعه وبقى الثلاثى ,الحصان والفيل والفهد.وعندما ذهب الاربعه فى الصباح ادركوا صحه كلام اصحابهم الثلاثه ولكن بعد فوات الاوان .حيث اعلن فى الصحف عن القبض على اربعه جواسيس وسوف يتم اعدامهم بعد الظهر.والبحث جارى عن ثلاثه اخرين .وبالفعل صدق الحصان حيث قال (قد ترك الملك كل شى مستعصى الى جلاديه وسيافه)واعدمو الاربعه على الملا عند العصر.
لم يعد امام الثلاثه الباقين سوى الهروب .,,,,الى المجهول.اشرقت الشمس وغابت لاكثر من الف مره والحال باق وليس فى الامكان اقوى مما كان.لم يعد يهطل المطر الا قليلاوصارت البحيرات والبرك ملك للبلاط الملكى بلا ثمن, او ربما جوع الشعب فى الغابه, ومرضه, وانتشار الخوف والضياع والرزيله بين طوائفه هو الثمن(خبر ..غزاله عزراء تلد قردا....)صارت الاشجار تشهد مزابح البلابل والحمام فوق اغصانها.وتحولت بيوت النمور والفهود الى ما يشبه بيوت الجرزان.لا صوت يعلو فوق صوت الملك.اصبح يفعل مايحب وما تريد مشيئته.اهالى الغابه يسجدون لربهم ويطلبون الرحمه من البلاط الملكى. فى احد ايام الربيع المزهره عندما راى احد الكلاب غزاله صغيره تمشى على استحياء وجد فيها ما يرضى الملك وما يعود عليه هو من ثروه ونفوذ ,وفى ثوانى كان يحكىله عن جمالها وفتنتها ,وشهد على الحديث الثعلب المكارالذى احس بما يدور فى قلب الملك من خوفه وقلقه من سنه الكبير وضعف شيخوخته امام تلك الغزاله وامام الحاشيه ولكن تدبر الثعلب الامر باعطاءه قرص فياجرا ومساعدة الحراس له دون ان يشعر..وامام اغراءاتهم ووانه الاقوى ولولاه ما كبرت تلك الغزاله فالرب خلقها وهو اطعمها والبسها ووفر لها كل البدائل.ذهب الملك, وفشل الملك وفى لحظات دخل الشبل ورفاقه يحملون الغزاله للملك...ذلك اليوم الذى ادرك الجميع فيه وهن الملك انقسموا الى اقسام ,مع الملك ,مع الشبل ,ومع القوه الخافيه المحركه للامور زوجه الاسد(اللبوه) ومرت السنين( والعمر اذ يمضى ,والحال اذ يبقى فلا الليل ينجلى ,ولا الحزن ينسى,فهل ياتى يوم ,اكسر فيه ياسى ,اصعد للسما’,وتشرق فيه شمسى)ا.جاء صوت ذلك الكروان الصغير حزينا من بين الاشجار التى صارت بلا فروع ولا ورود.وصارت الارض قاحله بلا ماء او طعام .لا يجدون قطرة الماء والملك وحاشيته يقيمون مسابقات للسباحه فى البحيرات والبرك.صار الجميع جوعى والملك يقيم الاحتفالات والموائد العملاقه ..
(ربما تسلبنى اخرشبر من تراب,ربما تطعم للسجن شبابي
ربما تطفى فى ليلى شعله,ربما احرم من امى قبله)كانت اغانيه داما تاتى من القلب ولكن للخوف علامات وجروح فوق وجوهنا ربما تجف فى يوم وتذهب مع الظلم..ربما ليتنى اعلم ,,كروان صغير لايسمعه احد ,يغنى فى الخوف والظلام (اعزف وغنى الحانا توقد فى القلب النيران
لتحرق قلوب العدو وتهيج ضمير الانسان)يغنى الى ان راته احدى الحيات التى انقضت عليه ولكن حرصه جعله يطير ويطيرفى الاعلى فى السماءيرى الناس من الاعلى وهم سفلى جميعهم الملك وحاشيته والجميع سفلى يرى الناس تسجد له تطلب الرحمه .يصرخ ايها الناس افيقوا انها الحريه ,,,,الحريه ,,,,,الحريه
ايها الناس انا لست منكم ,انا حر وانتم عبيد ,انا قوى رغم ضعفى,انا.............................. ومضى..........

بخاف عليكى

كان فى حديقة هذا الكون
شجره
ترويها الامطار
تداعب فروعها
الرياح
تدفئ فروعها بروده شتائنا
وتظلل اوراقها حراره شمسنا
تشهد على احلامنا
وتهون احزاننا
فقط هى لا سواها شئ
هى ..... هى
الايمان
******
ياسلام عليكى
انت ليه بتوحشينى قوى كده
ليه كل مابفرح
الاقى صورتك قدامى بروح الطفل الجميله
اللى مهما تحاولى تداريها
على كل الدنيا ,انا بس حاسس بيها
ليه لما بحزن
بخاف
بخاف
بخاف عليكى
من حزنى
من ضعفى
من نفسى
لما بحزن قوى
بلاقيكى جيه من بعيد
فى عنيكى بحر كبير
ارمى فيه الامى
وابدا من جديد
احبك
احبك
احبك
****
معاكى دايما كل يوم هقول
new day has come.....

المطر

تراصوا ,تراصوا

سنقتل اليوم من كل عشره واحدا

نرجو منكم مساواة الصفوف

فالعالم يرانا ,والقيصر يرانا

ولا يخال لاحد ان يغضب القيصر.

للقيصر عيون فى كل مكان

فى بيوتكم,فى احلامكم,وفى عيون اطفالكم.

مش عارف قد ايه اثر فيه ,ساعات بحس انى عايز ابكى لما اشوفه,وساعات بكون فرحان جدا لدرجه الجنون
هطير فعلا ببقى عايز اطير,او ارقص واغنى باعلى صوتى ,انا عايش ومش عايش ومش قادر على بعدك.ولا عارف فى يوم انسى ولا عايز حبيب بعدك...انا خلاص سلمتلك ,وهسيب نفسى ليك تعمل اللى عايزه..انت القوه اللى بتخلقنى من جديد.,,وانت الماضى والحاضر والبكره..ياه لو كنت كافر كنت هكون عبدك ونبيك وقديسك..نفسى اموت واصحى والاقى انا وانت بس فى الكون.ولو سمحتلى عشان اكون وفى لابعد الحدود واقدر اخدمك وانت تسعدنى...اسمحلى انها تكون معايا تساعدنى عشان اقدر اعيش لبكره..مش عارف اقول حاجه وهى بعيده غير بيت الشعر ده .يلا ماهو كل شئ بيخلص حتى الاحلام..
لعمرى لئن قضيت عمرى متالما وتحاكى عنى الطير فى الافاق
وصار القنديد فى فمى مرا,, فهل غير المرار بعد غيابك مزاق

لن اعود

ان شئت ارحل لن اعود الى سراب
واهيم فى دنياى احترف الغياب
احرقت دمعه ذكرياتى
حطمت سجنى والقيود
من قال انى قد اعود,,,وابيع ثانية حياتى
وحياته انا لن اعود
لن اعود
لن اعود
.......

طال انتظارك

الاسعار صبحت نار ,والعمال عيشتها مرار..دى كانت احدى اللافتات اللى رفعوها عمال المحله فى الاضراب الاخير ..الامضاء كان (ضحايا الارتفاع الجنونى للاسعار,,عمال المحله)..ممكن لو انت شفت الكلام ده مكتوب فى جريده مافيش مشكله .بيحصل فى كل الجرائد المعارضه انهم يكتبو عن ارتفاع الاسعار ..بس اللى انا عايزك تاخد بالك منه ان اللى كتب الكلام ده ناس عاديين ,.,مش سياسيين او صحفيين ,,يعنى ناس فعلا انكوت بغلو الاسعار..وباستبداد اصحاب العمل سواء كانو رجال اعمال او الحكومه اللى مش مهتمه بحاجه غير انها تخلص من القطاع العام ومن العمال ,,ومن الناس الغلابه ,,ومن كل مسئوليه تجاه الحق والعدل ..الحكومه دى مش مش قادره تتحمل المسئوليه..(ارجع معايا لحادث العباره السلام مين اللى اتحمل المسئوليه,,يمكن البحر هو اللى غلطان ,,)المهم عايز اقولك ان اللى يطلع فى مظاهره او يعمل اضراب ,من العمال عشان الاسعار او الفقر ...مش بيكون قاعد يقرا عن الثوره او ميثاق حقوق الانسان لا دا بيبقى قاعد ايام وشهور فى جوع وذل وحرمان ,,عايز يوكل اولاده ومش لاقى ..عايز يتعالج ومش لاقى ,,الناس دى مابتاخدش اجازات ولا بتروح مارينا ولا شرم الشيخ ولا حتى جمصه الناس دى مطحونه ومقهوره وما حدش حاسس بيهم ..الاحزاب فى مصر مالهاش لازمه ياريت يقعدو فى بيوتهم ويسيبو المقرات بتاعتهم لدور الايتام .المسئولين مش مهتمين بحاجه دول ساعات بيشتغلو بلطجيه ودا حصل معايا شخصيا لما كنت فى مستشفى حكومى ولاقيت سوء رعايه وعدم اهتمام ,,فلما شخط فيهم لاقيت واحد عايز يضربنى اتاريه طلع مدير المستشفى ..اخر الكلام ان عمال المحله رجاله فعلا وياريت نشوف كل المقهورين رجاله زيهم .وانا واحد من المقهورين دول بقول انى بكره حسنى مبارك وبكره ايامه اللى امتلئت فساد وظلم وطغيان ..الراجل ده خلانى اكره بلدى واكره نفسى واكره الحياه واتمنى الموت ..بس من دلوقتى انا عرفت لازم اكره مين واحب مين..عرفت ان العيب كله مش فيه ..فى ناس تانيه لازم تتحمل المسئوليه........الفلاحين اللى تعبوا طول السنه فى زراعة القطن فوجئوا ان الحكومه مش عايزه القطن والتجار مش عايزينه ,,المهم تعب طول السنه هيروح كده, لا الحل انهم بعد الزرع والتعب يجمعوا المحصول ويودوه للمصنع والقبض هيكون بعد البيع يعنى حللنى على مايخدو فلوسهم..صخره .نظام الصخره رجع تانى ..احنا فرطنا فى حقوقنا والحكومه باعت الناس كلها لرجال الاعمال والمصلحه الشخصيه ..وجايين بعد كده يعملو اعلانات فى التليفزيون عن اللى لحق القطر واللى قعد على القهوه وفاته القطر يعنى العيب فى الشباب مش فى الحكومه الشباب اللى بيشتغل طول السنه ويسبوهم لرجال الاعمال على مايبيعو المحصول الشباب اللى جه ياخد قروض والحكومه ضيقت عليهم .الشباب اللى بيسافر بره والكفيل يزلهم فى دول الخليج .(.الشقيقه.).والقنصليات بتاعتنا مش واخده بالها..جايز بيفتحوا بالليل بعد الناس مابتنام..العيب فينا( جايز ) يقولو اللى عايزين يقولوه المهم اننا سوف نبقى للابد

طال انتظارك
ايتها الرحمة الابديه
لترسمى لنا فى الافق البعيد طيفك
هيا,,,,لتبعثى فوق رفات قلوبنا روحك
لتحيى فينا ....روحنا.

لشد ما انا مهان

لشد ما انا مهان ,كل الناس فى الدول المحترمه لهم حقوق التعبير عن اراءهم حتى لو عارض القانون او الدين او اى تقاليد راسخه فى قلوب الناس.دا فى الدول المحترمه بس يعنى مصر خارج اللعبه ,ناس استولت على القانون وعماله تعدل فيه مش عارف بصفتهم ايه,مين اصلا اللى اختارهم.الاشاعه الاخيره اللى بيتحاكم بسببها الاستاذ المحترم ابراهيم عيسى اثبتت مدى حرص قصر العروبه على اختيار العزله والبعدعن الراى العام. مش عارف لو كانو قالوا انه عيان فى بيان رسمى كان ايه حصل .دا كله مش مهم يتعبو او يموتوا ماحدش واخد منها حاجه اصل الكفن من غير جيوب.ولا يمكن تكون مراسم الدفن على الطريقه الاغريقيه ويولعوا فيهم وفى كل حاجه يملكوها .بس فيه مشكله ياترى هيحسبونا من ممتلاكتهم ولااحنا هنكون احرارساعتها. متهيالى موضوع احرار ده صعب شويه ... اصل الحريه مش بتمنح ذى الوزارات وعضوية مجلس الشعب ..دى بتؤخذ,, بتتخطف بقوه ذى الراجل الغلبان اللى بيكافح ليل نهار عشان لقمه العيش,ولا ذى الستات اللى بنشفهم فى الاسواق وعند افران العيش اللى بيخوضو حروب عشان الرغيف.ولا الاطفال اللى ماليين الشوارع شكلهم مالهمش علاقه بالانسانيه ولا بادم خالص ذى مايكونو من سلاله تانيه ولا اصلهم كلاب واحنا اصلنا قرود. مين المسئول .؟ انا مش عارف ...لو انت عارف قوللى ...كتير فرحانين قوى ان احنا دوله اسلاميه يعنى الدستور بيقول كده ,,عمر بن الخطاب بيقول لو كان الفقر رجلا لقتلته.نفسى واحد من اللى عاملين يخوفو الناس ويقولوهم دا غضب من ربنا ذى تسونامى وكاترينا وذى اليهود برده ما بيدنسو الاقصى(,اصل ربنا غضبان على المسجد الاقصى.).نفسى واحد منهم اقوله ياعم انت الفقر رجل والظلم رجل والاكتئاب اللى فى قلوب الشباب المطحون رجل..هو احنا ليه كده اصلا........... يلا هو فعلا الحل فى التقاليد الاغريقيه القديمه.(.الحرق....الحرق...الحرق بس فعلا لشد ما انا مهان( جوليا) بتقول
ما تخافوا مهما طال ,ليل الظلم ياناس بيرجع بيطل نهار يحمل فرح للناس ,,وبينكسر هاالليل ).........ومنير بيقول (يا حبيبيتى قلبى فانوس بس الغنى محبوس بكره الى جاى شموس وعنييكى يتحنو)........امتى بكره ده بقه

لا تبكى

لا تبكى

فانى هاهنا على العهد

احمل بندقيتى

احملك فى قلبى

****

بين جانبيك

محراب صلاتى

وظلال من هواجس واسرار

ومصير لمارد مجهول

يطوف بالديار يلعن الاسفار

****

نادينى واوقفى الليالى

واضيئى بعينيك ظلام قلبى البائس

ساشعر بالامان مادمت حولى

اعانق فى عينيك شمس الحريه

****

اعيرينى لحظات

اعيرينى لحظات
اعاتب فيها عيناك
الملم من هشيم ذكرياتنا امل جديد
واخاطب تلك الرموش
فى همسات
****
حبيبتى كيف لى ان انساكى
وانى تربيت ,فى مهد حبك
طفل وليد
تعلم الكلمات
***
بين مخالب الشتاء,وغسق لياليه
تاتى الكلمات
مرتعشة دائما,مكبلة الحروف
والوذ اسيرا ,هامدا الى كؤوس الغانيات
****
لكل عاشق قرين من الملائكه
ونديمى ,يحترف الكابه
ينتحجب فى سهدى,يؤرق المنام
عليل ,مارق , يتلو الصلوات
****
قد انتظرت مجيئك طويلا
لاغوص فى بحور الوهم
اداعب تلك الشعرات ,حريرية السواد
واغنى لعينيك,من اساطير الحب القديمه
قصائد واغنيات
****
حبيبتى ,قد صارالعناق محرما
وتعالت ترانيم ارواح خلف الجدار
المهاجرون,هملت اعينهم على الدرب تروى
ركام من الاشواق.
ومقابر تئن شجوا للقاء ,
عرق ساكنيها رصع الرايات.
****
كانت السماء تمطر
واصداء غلهم ترعد
وكنت اتوسد العشب
ابحث عن نجمة حبنا
,غابت, فى غياهب ضغنهم ,فىلحظات..

لخبطه

ايه الملل والشؤم اللىانا شايفه فى عيون الاطفال والصبايا الصغيرات طب احنا قادرين نواجه واهى بتخبط معانا,بس الناس دى ذنبها ايه ,يعنى ايه اسر مكونه من اكثر من خمسة افراد ودخلها يادوب يكفى فردين او ثلاثه ,الناس دى تروح لمين,تتعلم اذاى ,منين تتعالج
,الناس اللى ايديها بتتقطع من العمل,عشان يادوب تقدر تعيش وتكمل مسيرتها,انا عارف انك هتقول طب ونعملهم ايه,هقولك ولا حاجه ,خليك ماشى جنب الحيط لحد ما تخلص جامعتك ,يمكن تخترع فانوس بيطير , ولا تاخد جائزة نوبل,اصلا الدنيا دى اكبر لخبطه ,خللى بالك دى دنيتنا احنا بس .كل حاجه فيها متشقلبه,هى البلد اللى يضيع فيها حق المظلوم , والفقير ,البلد اللى مالهاش حاكم ,البلد اللى تحكمها المصلحه ,والواسطه,وشوية بتوع اسمهم رجال اعمال ,يعنى من الاخر الفلوس هى اللى بتحكم ,باعوها بتراب الفلوس عشان الفلوس,باعو بناتنا للشيوخ الخليجيين عشان الفلوس ,باعوااعراض البنات,هتكوا اعراض نسائنا.يانهار اسود بجد انا مش عارف احنا مستنيين ايه,بقينا زبالة الامم ,وتيجى ناس تقول احنا اصلنا عربى ولا فرعونى ولا قبطى,احنا اصلنا خايبين جاتنا نيله ذى اللى جات للعراق,على فكره نسبه كبيره من المصريين بتتمنى امريكا ولا غيرها يمسكوها .عشان تبقى لخبطه بجد.والكل يعيش حر .جيفارا بيقول (لايهمنى اين ومتى ساموت ,ما يهمنى هو ان يبقى الثوار يملؤون العالم ضجيجا ,كى لا ينام العالم بثقله على اجساد الفقراء )ا واهو نايم ومانتخ كمان.

سنبقى للابد

سنبقى للابد
اينما وجدت ضحكات الصبايا
وطالما ولدت براءة الاطفال

new day

new day has come