جيفارا مات
جيفارا مات
اخر خبر فى الرادويوهات
وفى الكنائس وفى الجوامع
وعالقهاوى وفى البارات
جيفارا مات ..جيفارا مات
* * *
خلاص كده مش عارف اقول حاجه بعد اللى اتقال, جيفارا مات ,مات البطل المناضل قتلوه الغاصبين, قوى الظلم والطغيان التى لا تفرق بين الليل والنهار وبين الجندى والمواطن .لا يعرفون سوى لون الدماء .طول الوقت كنت عايش على امل عوده جبفارا من جديد .كل مقولاته التى حفرت فى الناريخ بلون دمائه الاحمرالطاهر .ودم كل مناضل ومظلوم فى هذه الدنيا.دماء الاطفال الابرياء فى فلسطين والعراق والصومال والسودان .دماء الظلم والفقر والاستبداد فى افريقيا ودول الفقر فى العالم .جيفارا كان يعتبر وطنه كل مكان فيه مظلوم او مقهور .(اننى احس على وجهى بالم كل صفعه توجه الى مظلوم فى هذه الدنيا ,فاينما وجد الظلم فذاك هو وطنى ).
(لا يهمنى اين ومتى ساموت , مايهمنى هو ان يبقى الثوار يملؤن العالم ضجيجا كى لا ينام العالم بثقله على اجساد الفقرء .فما زال الطريق مظلم وحالك فاذا لم تحترق انت وانا من سينير الطريق)
العملاق امل دنقل يقول
معلق انا على مشانق الصباح
جبهتى بالموت محنيه
لانى لم احنها حيه
******
ناس كتير فى الدنيا دى حاسه بالظلم .ممكن من اهلها او مجتمعها او حكوماتهم .الشارع مليان مظلومين ومقهورين وما حدش حاسس بيهم .الحزب الوطنى يعلن فى مؤتمره الاخير ان الرئيس قادر على اكمال مسيره الاصلاح التى بداها منذ اعوام قليله .وبالفعل اعلن الحزب عن ارقام واحصاءيات للاعوام الماضيه توضح التقدم (الغير ملحوظ)الذى حققته الحكومه على المستوى الاقتصادى والاجتماعى فى البلد.يعنى مثلا نسبة البطاله قلت وكل الناس بقت بتاكل كويس وبتشرب مايه نظيفه .والشوارع ماعدتش زحمه بالعربيات والمرور بقى تمام .والمستشفيات بس انت اتعب وروح شوف بنفسك الرعايه والخدمات .التعليم بقى مجانى والمصاريف والكتب الجامعيه مدعمه ياسلام ايه الحريه دى كلها الرئيس نفذ وعده بعدم حبس الصحفيين وابراهيم عيسى وايمن نور وكل المعتقلين سياسيا خرجوا من السجون وماعدش حد جعان ولاحد مكتئب والدنيا سوده فى وشه.يالا
احههههههههههههههههههههههههههههههه
هما كانوا بيتكلموا على بلد مين واصلاحات مين ارجوكم حد يقولى انا مش حاسس باى حاجه
ولا هو انا الوحيد فى البلد دى اللى غريب فيها .
كل شى بيخلص كل شئ بيخلص حتى الاحلام.
فى ليل بيمضى
وليل بيبقى ليل
تحت جناحه بيبقى
خوف الظلم والويل
لا تخافوا مهما طال
ليل الظلم ياناس
بكره بيطل نهار
يحمل فرح للناس
وبينكسر هالليل
وبينكسر هالليل
وبينكسر هالليل
