لو يوم

ولو يوم تهنا
مين هيلاقينا
دايما بحس بالوحده
حتى لو كنت بين كل احبابى
مش عارف هو احساس بالوحده ولا الغربه
وايه الفرق .فى الحالتين مافيش حد حاسس بيه
كنت فاكر انى اول ماشفتك ,انى لقيت احلامى اللى ضايعه منى
من سنين .
وارجع واقول انا اتوب عن حبك انا
انا اتوب عن حبك
مش عارف ,ممكن تسالى السما
او تسالى الظروف اللى وقفت ما بنا
انا املى انى اشوفك سعيده
حتى لو كنت انا وحيد ومحتاجلك
بصيلى من بعيد برمش عنيكى وارحلى.
طب انتى عارفه
انا عيد ميلادى قريب
وكالعاده هحتفل بيه لوحدى
كان نفسى احتفل معاكى
كنت انت دايما وحيده
وكنت بخاف عليكى من وحدتك
بس انت دلوقتى لقيتى اللى يملى عليكى حياتك
وانا ساعود كما كنت
احبك
واحلم
حتى الاحلام
مش راضيه توافقنى
وانا نايم بشوف كابوس بعدنا
وانا صاحى الاقيه بيتحقق
يلا بقى معلش
لو قابلتك تانى صدفه مش هبصلك
ولا هقرب منك
بس نفسى وانت بعيده مااتمناش اشوفك
نفسى انسى عنيكى ,وصوتك,ونظراتك
نفسى لما اشوفك تانى اكون نسيتك.

كتابات *** شرقاوى

أيام مشابهه لبعضها.

.لكنها..وبحسب المقاله ..حاجه تزهق .

.بتصيب بحاله..من الملل المركز

..إللى مكوناته عاوزة اربع مرات ضعفها ميه.

.عشان يادوب يتظبط.. وتقدر تتعامل معاه

..بس ساعات..مش فى كل الاوقات..تعاند وتكابر وتحاول كتير

..والنتيجه فى الاخر..حاجه زى الـــــــــــإللى بيقولوا عليه

..بتمل من محاولة كسر الملل..وأهو كله شبه بعضه

..وهو ده الاكتشاف الجديد…

لسه بتحلم؟؟

هو سألنى..

فى زيارته القصيرة قوى ليا فى المكان الجديد إللى أنا أرتضيت أكون فيه

،قلتله أيوة..لسه بحلم .

.يعنى أعيش أزاى من غير حلم..

بحلم.

.سابنى ومشى بعدها..

وانا كملت إللى كنت بعمله.

بدور عليها كتير.

.وبلاقيها جوايا..بس مش عارف أخرجها.

.أصل أنا عاوزها فى موضوع مهم.

.عاوز أحكيلها على حاجات كتير

..عارفين.

.أنا عارف انها عارفه إللى انا عاوز أقولهولها

..بس أنا عاوز أقوله ليها.

.ساعات زمان ..زمان قوى

..أو يمكن زمان القريب إللى كان لسه هنا ده قبل ما أتخانق معاه وأقاطعه

..كنت بس ببص ليها.

.كانت بتفهم..مع ان كان بينا مسافات وأختلافات كبيرة.

.بس كانت بتعرف..

وهى برضه كانت بتحكى..بتلخص همومى وبتقولى حلول.

.وأنا عاوز المرة دى أكلمها..

مع انى عارف انها عارفه انا عاوز اقول ايه

..انما محتاج اقولها بصوت.

.الصوت مسجون..

وهى سمعاه..بس انا بدور عليها .

.وبقال كتير..انا عارف انها جوايا ..

جنب الصوت المسجون جوايا بالظبط..

على فكرة أنا حاسس انها شبهه..

زمان.

.زمان إللى بعيد بقى وكنت بحبه قوى.

.وكنت بقعد أحكيلة على اى حاجه كنت برضه بلاقيها ومكنتش بحس انها مش موجوده.

.مش مهم زمان القريب وزمان البعيد.

.المهم انها تبقى هنا من جديد

..زى ما بشوفها ..زى ما بلاقيها..

أنا بدور عليها وعارف انها هنا.

.جوايا..جنب الصوت المسجون

كتابات

www.sharkawy.wordpress.com